Ebrat Kadaa

قریش کے پانچ افراد رسول مقبول صلی اللہ علیہ وسلم کی شان میں گستاخی ۔طنزاور تمسخر کرتے تھے۔
۱۔ ولید، خالد رضی اللہ تعالی عنہ کا باپ
۲۔ عاص بن وائل سہمی
۳۔ حارث بن قیس سہمی
۴۔ ابو جبار الاسود بن مطلب
۵۔ عبد بانخوث زہری،یہ حضور صلی اللہ علیہ وسلم کا ماموں زاد بھائی تھا
یہ سب ایک ہی دن مر گئے مختلف حادثات میں۔

مشہور سپہ سالار مروان بن محمد کا سر عبداللہ بن علی کے سامنے رکھا تھا اور ایک بلی اس کے زبان نکال کر کھا رہی تھی ۔ عبداللہ بن علی عباسی خلیفہ سفاح کا چچا تھا۔ اس نے کہا۔"یہ وہی مروان ہے جس کی کمان میں چند روز پہلے ستر ہزار سپاہیوں کا لشکر تھا ، اور دشمن اس کے نام سے کانپتے تھے اور آج اس کی زبان بلی کھا رہی ہے"۔

بحوالہ :تاریخ قیس

محل میں المکتفی باللہ کی لاش پڑی ہوئی تھی۔ یہ وہ خلیفہ تھا جس کے خزانے میں کم از کم دس کڑوڑ سرخ دینار چھوڑے تھے لیکن اب کسی کو اس کی لاش کی طرف توجہ کرنے کی فرصت نہیں تھی۔ ہر درباری اور ہر زمانہ ساز خلیفہ المقتدر کی جی حضوری میں لگا ہوا تھا۔ مردہ خلیفہ کی لاش پر ایک سفید چادر ڈال دی گئی تھی۔اتنے میں شاہی لباس خانے کا اعلی مہتمم وہاں سے گزرا ۔ اس نے یہ کہہ کر چادر چھین لی کہ یہ چادر خزانہء عامرہ کی ہے اور مجھے نئے خلیفہ کو اس کا حساب دینا پڑے گا۔ چند گھنٹے اور گزر گئے۔ پھر مرحوم خلیفہ کی لاش کفن دفن کے لیے باہر نکالی گئی تو لوبان اور کافور جلانے کے لیے دور دور تک کوئی برتن نہیں تھا۔ غسال کو اپنے گھر سے لوبان دان منگوانا پڑا۔ حالاں کہ مرحوم خلیفہ نے اسی محل میں خوش بو جلانے کے لیے سونے چاندی کے ہزاروں ظروف چھوڑے تھے۔

بحوالہ: تاریخ قیس