waldain ka husan-e-salook

میرزا ادیب رقم طراز ہیں" اباجی مجھے مارتے تھے تو امی بچا لیتی تھیں، ایک دن میں نے سوچا کہ اگر امی پٹائی کریں گی تو اباجی کیا کریں گے؟ اور یہ دیکھنے کے لیے کہ کیا ہوتا ہے ، میں نے امی کا کہا نہ مانا۔ انہوں نے کہا "بازار سے دہی لادو"۔ میں نہ لایا۔ انہوں نے سالن کم دیا تو میں نے زیادہ پر اصرار کیا ۔ انہوں نے پیڑھی پر بیٹھہ کر کھانے کو کہا ۔ میں نے دری بچھائی اور اس پر بیٹھہ گیا ۔ کپڑے میلے کر لیے۔ میرا لہجہ گستاخانہ تھا، مجھے پوری توقع تھی کہ اب امی جان مجھے ضرور ماریں گی مگر انھوں نے کیا یہ کہ مجھے سینے سے لگایا اور کہا:"کیوں دلاوپتر! میں صدقے' بیمار تو نہیں ہے تو؟"۔ اس وقت میرے آنسو تھے کہ رکتے نہیں تھے۔

بحوالہ:مٹی کا دریا