ahmad faraz ki yad main

by **king pattan** Thu Sep 11, 2008 9:37 pm

اب کے تجدید وفا کا نہیں امکاں جاناں
یاد کیا تجھ کو دلائیں ترا پیماں جاناں

یونہی موسم کی ادا دیکھ کے یاد آیا ھے
کس قدر جلد بدل جاتے ہیں انساں جاناں

زندگی تیری عطا تھی سو ترے نام کی ھے
ھم نے جیسے بھی بسر کی ترا احساں جاناں

دل یہ کہتا ھے کہ شاید ھو فسردہ تو بھی
دل کی کیا بات کریں دل تو ھے ناداں جاناں

اول اول کی محبت کے نشے یاد تو کر
بے پیے بھی ترا چہرا تھا گلستاں جاناں

آخر آخر تو یہ عالم ھے کہ اب ھوش نہیں
رگ مینا سلگ اٹھی کہ رگ جاں جاناں

مدّتوں سے یہی عالم نہ توقع نہ اُمید
دل پکارے ہی چلا جاتا ھے جاناں جاناں

ھم بھی کیا سادہ تھے ہم نے بھی سمجھ رکھا تھا
غم دوراں سے جُدا ھے غم جاناں جاناں

اب کے کچھ ایسی سجی محفل یاراں جاناں
سر بہ زانوں ھے کوئی سر بگریباں جاناں

ہر کوئی اپنی ہی آواز سے کانپ اُٹھتا ھے
ہر کوئی اپنے ہی سائے سے ہراساں جاناں

جس کو دیکھو وہی زنجیر بپا لگتا ھے
شہر کا شہر ھوا داخل زنداں جاناں

اب ترا زکر بھی شاید ہی غزل میں آئے
اور سے اور ھوئے درد کے عنواں جاناں

ہم کہ رُوٹھی رُت کو بھی منالیتے تھے
ہم نے دیکھا ہی نہ تھا موسم ہجراں جاناں

ھوش آیا تو سبھی خواب تھے ریزہ ریزہ
جیسے اُڑتے ھوئے اوراق پریشاں جاناں

**some text missing**